[Teofelia]

Fra Vinmonopolets nettsider:

Sitat:

Vin att på flaska

Dersom du har ei halvfull flaske att eller nokre vinslantar her og der, kan du ta vare på det til seinare.

Slantane kan du samle på ei flaske eller eit reint syltetøyglas, leggje i frysaren og hente fram neste gong du skal lage ein god saus eller gløgg. Ikkje fyll glaset heilt opp, då sprekk det i frysaren. Bruk aldri vin med feil, då blir heller ikkje sausen god!

Dersom det er meir vin att i flaska, kan du godt oppbevare han og drikke han i løpet av eit par dagar. Kork flaska og set henne i kjøleskapet, då held vinen seg lenger. Originalkorken kan brukast dersom han ikkje er blitt heilt gjennombora ved opning. Det er som regel lettast å setje korken i opp ned. Vinen taper seg som regel litt når han blir oppbevart slik, men får sjeldan nokon bismak før etter to–tre dagar.

Unge, fruktige og robuste vinar held seg lenger enn meir utvikla vinar. Musserande og økologiske vinar ser ut til å halde seg lenger enn andre svakvinar. Sterkvinar, med unntak av dei lettaste sherryane, er langt meir haldbare enn svakvinar.I butikkar som sel kjøkkenartiklar, får du utstyr som gjer det mogleg å oppbevare vinrestane endå lenger.

http://www.vinmonopolet.no/artikkel/...jen-på-flasken