[naima]

Vi vart møtt med "nå har Ungen endelig begynt å leke med dukker!" i haust, ho var vel 18-19 mnd då. Barnehagen har også poengtert at "de store jentene leker mor, far og barn" og "guttene er opptatt av å grave etter mark" i månadsbrev til foreldra. Vi har tatt opp begge desse tinga ved foreldresamtaler, og dei bedyra at "det er jo ikke ment sånn" og at iallfall dukke-kommentaren må ha kome skeivt ut.

Hos oss virker det litt personavhengig, ulikt personale legg tydeleg vekt på forskjellige ting ved Ungen. Ho som sa dette med dokkeleiken fortel også ofte om at Ungen har "bølla rundt" med ei av dei andre jentene, og eg synes - men veit jo ikkje - ho har ein negativ undertone. No skal vi straks bytte barnehage, så vi orker ikkje ta det opp meir med dei.

Når det gjeld arkitekturen i barnehagen så er det kun eitt åpent areal, og her er leikekjøkken, dokker, leikegård, nokre få bøker og nokre få bilar plassert. Dei andre romma - forming, pute/samlingsrom, musikkrom, leserom og legorom - er avstengt (dør) så barna (eller dei vaksne) må i større grad velge å gå dit. Når vi henter så er det ofte sånn at dei fleste jentene er i det åpne rommet, mens dei fleste gutane er på legorommet. Det virker dog som dei er flinkare til å blande når det er meir "styrte" aktivitetar på formiddagen, gjerne med aldersdelte grupper. (Det er barn fra 1 til 4 der.)