[Hondacrv]

I dag var dagen der att. Det viktigaste var kjøpt inn: 2-litersposar, Jam frysepulver og brunt sukker. Melkekartongar hadde eg spart på ei stund. Grunnen til at dagen var der nett i dag, er at det ikkje har regne på eit par dagar. Då er bærene best.


Her kjem framgangsmåten for det EG meiner er det beste syltetøyet:

1. Eg tar 4 baljer, ein til urenska, to til renska, og ein til bosset.
Eg renskar alle bæra.

2. Så kjem den litt brutale delen som passar bra viss du har ein dag der du treng å få ut aggresjonen overfor teite eksar. Eg tar ein stor, spiss kniv og kjører han nedi baljen med dei renska bæra. Manga gongar. Då får eg kutta dei litt. Eg kunne tatt dei i maskin, men då blir det så butikkaktig; litt klumpar skal det vere i syltetøyet.

3. Eg blandar Jam og sukker. Eg brukar brunt sukker, det er litt sunt, visst, og godt. Eg tar alltid så lite som mulig, då blir det friskare. Altså ca 300 g til eitt kilo bær. Eg blandar med håndmiksar så ikkje klumpane forsvinn. Det er litt grisete, eg legg eit kjøkkenhåndle over når eg miksar inn sukkeret og Jam-en.

4. Så set eg fram to eller fleire små litermål, set eit 2-literspose oppi kvart og heller syltetøyet frå bollen over i posen, knyt posen saman og legg han i melkekartongen. Grunnen til dette er at alt som blir selt på matbutikkar av fryseemballasje er så stort. Det tar stor plasss i frysen, og porsjonane vert altfor store. Ein passeleg porsjon gjev plass til 4 plastposar i ein melkekartong.

Så merker eg det, "J 12" og set det i frysen, vaskar kjøkkenet og meg sjølv . 8 liter blei det i år.
To timar tok det frå start til slutt (inkl rydding etterpå). Då har du syltetøy gjennom heile vinteren. Eg følger same oppskrift med bringebær. Men det går jo endå fortare, dei skal ikkje rensast.