[Syrin]

Eg har greidd å redusere forbruket av snop betraktelig. Det starta med ein hestekur etter jul - fullstendig stopp på alt. Eg lovde meg ikkje 8 veker - slik som opplegget eigentleg var, men ca 4-6 - nok til å bryte vanen. Eg hadde lov å ete chilinøtter i helga (og ja, dei er feitande, men mitt mål var å slutte med sjokolade, kjeks, potetgull kvar dag).

Eg trur eg tenkte på søtsaker sånn ca. kvart 10. minutt. Den første veka var vanskelig. Det hjalp veldig med epler, mandariner, gulrøtter og mandler. Sjølv om det ikkje frista i det heile tatt der og da, var det likevel nyttig å ha noko å knaske på til abstinensen var over. Nå anser eg "kuren" som over, og har eit normalt forhold til knask og snop. Eg tar kanskje ei rute kokesjokolade til kaffe etter middag, og knaskar litt chips i helga - men orkar ikkje lenger dei mengdene eg var blitt van med. Søtsuget er i stor grad borte. Det er veldig befriande! Så altså: kjøp inn frukt og ha dei framme i ei fin skål - unngå altfor søt frukt - grøne eple og knaske-gulrøtter er fint. Du vil aldri syns det er like godt som det du eigentleg vil ha, men det hjelper deg over kneika når du kunne ha dødd for ein pose smågodt.