[Syrin]

Det er svært sannsynlig at det blir mindretalsregjering etter valet. Eg trur det er usannsynlig at det blir samarbeidsavtale slik FrP, H, KrF og V har i dag. Dersom valresultatet tilseier eit borgarleg fleirtal, så trur eg Erna må ta eit val mellom to ulike alternativ på borgarleg side. Dette meiner eg er mulige regjeringar (alle mindretalsregjering, som må samarbeide med andre frå sak til sak):

A+sp
A+sv+sp
H+frp
H+V+krf.

Og når det gjeld Venstre: Venstre har aldri hatt ønske om å ha FrP i regjering, og sa nei takk til å vere del av dagens regjering. Venstre ønskjer ikkje FrP i regjering denne gongen heller. Men Venstre har søkt gjennomslag. Og da blir det litt sånn «damned if you do, damned if you don´t». Kven skulle stå opp for eit meir sosialliberalt samfunn, om ikkje Venstre gjorde det med denne regjeringa? For gründerar og småbedrifter? For meir fridom? For færre A4-løysingar? For maktspreiing? For grøn vekst? For reint hav? Asylbarna har fått lov å bli, og me har fått ei forpliktande klimalov- til tross for FrP i regjering. For å få gjennomslag, så er ein pukka nødt til å samarbeide. Å «straffe» eit parti for avtalar det gjer med eit parti ein ikkje kan utstå kan kanskje føles edelt, men det fører til at viktige saker går tapt. Dei mest ytterliggåande forslaga frå FrP har blitt stoppa i Stortinget - med unntak av når FrP får støtte av Ap og Sp. Ingen av miljøpartia (SV, MDG og V) får til noko som helst utan å samarbeide. Og ut frå media så tyder alt på at ei regjering med Ap og Sp ikkje ønskjer å ha med Mdg på laget. Da står ein i fare for å tape Lofoten.