[Puslingen]

Eg bur på bygda, og her er det litt variabelt. På vår skule er det ikkje noko merkepress mellom jentene. Dei går i akkurat det dei ramla oppi når dei står opp. Storesøster og venninnene er visst meir opptatt av kvantitet framfor kvalitet, og det er om å gjer å ha fullast mogeleg klesskap. Om det er designerklær eller Spar Kjøp er visst revnande likegyldig. Derimot høyrer eg at dei som har gutar sliter litt meir. Gutane er visst veldig bevisst på kva dei har på seg, og det er ein del mas om klær.

På andre skular er det verre, og venninner har opplevd at barna vert fysisk og psykisk mobba pga. klær.

Eg vaks opp i same bygda, men kan ikkje sei at eg merka så mykje til merkepress. Antagelegvis pga at eg ikkje brydde meg med kva eg hadde på meg, og syntes at "dei kule" var skikkeleg teite. Eg innrømmer at eg var passert 30 før eg fann ut kva Buffalosko var for noko.