[nokon]

Eg er einig med deg. Og eg tenker at det at slike som Tomm Kristiansen og Einar Lunde er åpne om religiøs ståstad, gjer at publikum kan ta det med i kildekritikken når dei les arbeida deira eller ser reportasjene. Det er jo ingen som er objektive, alle har ein bakgrunn og eit verdisett. Og dermed blir det at religiøse symbol ikkje skal vere synlege og at religiøs tilhøyrigheit ikkje skal komme fram, meiningslaust. Dersom ein journalist med hijab eller kors presenterer ein sak, vil jo det gi det kritiske publikum fleire knaggar å henge ting på. Det same gjeld for øvrig politisk tilhøyrigheit. Det har jo vore diskusjonar rundt NRK si dekking av Israel/Palestina og Odd- Karsten Tveit sine åpenbare pro-palestinske synspunkt som kjem fram i reportasjene. Og om ein journalist er høgre- eller venstrevendt politisk, vil det prege journalistikken. Eg trur vi som samfunn lurer oss sjølv litt i dei stadige krava om nøytralitet og objektivitet. Det er mykje viktigare at religiøsitet, politisk tilhøyrigheit og sympatier er ein del av kjeldekritikken som folk burde drive med, overfor medieoppslag.