Uniformert ungdom om uniformering

[nokon]

Eg er einig i at dette er utruleg dårleg håndtert av Twitter- og facebook-mobben. Og eg trur ikkje dette handler om dunjakker til 8000 på biletet. Eg har høyrd voksne lærarar vitse om alle dei individalistiske svarthåra emo-ungdommane som kjem inn på Medie- og kommunikasjon og skil seg frå resten av skulen på akkurat same måte som dei 59 andre på same linje. Det er like ufint.

Fjortenåringane identifiserer seg med kvarandre og skil seg frå kvarandre gjennom å kle seg som dei andre i gruppa. Og det gjer voksne folk og. Bil, interiør, musikksmak, heimelaga muffins og strikkaplagg, Boden-kjolar og instagrambilete av meatfree monday-middagen... Sjølv om fjortenåringane er ekstreme, er det ikkje bare Askerungdommen som deler seg sjølv og andre i grupper gjennom stil og klesval.

Eg synest det er bekymringsverdig at tenåringar må jobbe på Narvesen frå 17-01, for å ha råd til å kjøpe dunjakke, og slit med å rekke skulearbeidet fordi ekstrajobben er så krevande. Dette går ut over utdanninga deira. Men eg trur ikkje skuleuniform er løysinga, dei som er opptatt av å vise fram kor mykje pengar dei har, gjer det. Innfører vi skuleuniform, vil dei mest sannsynleg bytte ut dunjakka med dyre vesker, sko eller tekniske dingsar som dei kan vise fram. Gruppetilhøyrigheit er viktig for tenåringar og det går det neppe an å ta bort. Det hadde vore mykje finare om dei voksne kunne fokusert på å jobbe med haldningar og sjølvtillit og eige forbruk for å vise barna at ein ikkje treng støtte bedriftar som napper fjør frå levande gjess eller farge håret svart for å passe inn.