Hva er virkelighet?

[Didjeridust]

Fyrst kjem eg på fylgjande skribleri på ein vegg:
"Dop er for folk som ikke tåler virkeligheten"
Dette var streka over og under var det skreve:
"Virkeligheten er for folk som ikke tåler dop"
Det kan vera verd å nemna at attmed var det skreve:
"Scrugs brew your drain"

- men dette var ein digresjon - og kor lurt det er å starta eit innlegg med ein digresjon kan vel diskuterast, men det er vel avhengig av kva røynd ein finn seg i -

Men, altså - om eg skal få gå litt sterkt ut vil postulera fylgjande:
"I ytterste konsekvens eksisterer det ikkje noko objektiv røynd, berre like mange subjektive oppfatningar av ho som det finst folk."

Ja, det vert kanskje litt ekstremt og bør modererast noko: Det finst konsensus om ein del oppfatningar, gjerne fleire ulike i ulike delar av folkemengda, men uansett så lenge røynda vert filtrert gjennom kvart individ sitt sanseapparat og tankesett er sann objektivitet berre ei myte.

Det eg vil fram til er at om ein har dette noko ekstreme synet(postulatet over) i bakhovudet når ein vurderer andre folks handlingar og meiningar kan ein oppnå det å få eit noko meir balansert syn på eins eiga oppfatning av røynda kontra kva andre meiner - noko som ikkje er å forakta.