Jeg skjønner ikke helt [egyptkuppet]

[nokon]

Eg forstår det slik at Mursi, som blei demokratisk vald etter opprøret for eit drøyt år sidan, ikkje har svart til forventningane og oppført seg meir som ein diktator enn ein folkevald president. Den store mengda i Egypt er moderate muslimar, medan Mursi og det muslimske brorskap representerer ei svært konservativ linje innanfor islam og ein islamistisk tendens. Det store mengda moderate muslimar og dei kristne (både evangeliske og koptiske) i Egypt står bak opprøret og militæret støtta denne gruppa. Dermed er det ikkje eit vanleg militærkupp, fordi militæret har ei fleirtalsrørsle bak seg.

Før til den arabiske våren har det ikkje vore demokrati i Egypt. Mursi var den første folkevalde presidenten i landet si historie. Folka er ikkje vande med demokrati og eg trur det som skjer i Egypt er eit uttrykk for at det er ikkje bare-bare å seie "Kom, nå innfører vi demokrati", utan at folk blir opplærte til å forstå kva eit demokratisk val innebærer. Vi venter på neste val, fordi vi er opplærte til ein demokratisk kultur og tradisjon, vi lærer på skulen at viss vi er misfornøgd skal ein stemme ved neste val. Egyptarane har vekse opp i eit diktatur, gjort opprør mot det, vald ny president og opplevd at samfunnet på nytt er i ferd med å utvikle seg til diktatur. Det oppmuntrer i alle fall ikkje til tru på demokratiet.