Er norske barn friskere?

[Syrin]

Kan jo legge til i denne tråden at mi jente blei amma til ho var rundt 17 månader. Like før ho blei 3 år fekk ho diabetes, og også påvist cøliaki (då hadde ho nok hatt cøliaki ei stund). Det beviser på ingen måte noko som helst, for det er jo berre eit enkelttilfelle. Eg har stor tru på at amming kan hjelpe mot mykje, men tydeligvis ikkje i alle tilfeller

Eg kan faktisk ikkje hugse heilt kor tidlig vi starta med graut, og kva vi starta med. Det var i alle fall svært forsiktig, for ho var berre interessert i morsmelk; i store mengder.

Det er ingenting vi veit om som vi har gjort "galt", som gjorde at ho blei sjuk, men eg er interessert i temaet. Nokre forskarar meiner at den store auken i diabetes hos barn kan skuldast eit virus. Altså at jenta vår har hatt ein virusinfeksjon som har trigga diabetes. Korleis cøliaki heng saman med dette veit eg ikkje, men diabetes og cøliaki har ein liten samanheng, då diabetikerar har litt større sjangs for å få cøliaki (og omvendt). Barnediabetes aukar på uforklarleg vis, og særleg i Norge.

Eg har tenkt på dette med miljøgifter (for den del gjennom morsmelk) at dette kan vere ein årsak. Hos oss er det ingen andre med cøliaki, diabetes eller allergiar i det heile tatt, sjølv ikkje hos fjerne slektningar. Kom veldig overraskande på oss, og gjer at eg mistenker at det er ytre påverknad/miljø som har gjort henne sjuk. Alternativt at det var berre noko som gjekk galt hos henne