Hvordan forbereder du deg på apokalypsen?

[Palmen]

Opprinnelig lagt inn av gajamor, her.

No bor vi i Noreg, ikkje Transylvania eller Amerika. Dei tradisjonelle truslane her er:

Troll - tåler ikkje sol, men går sjelden ned frå fjellet eller ut frå skogen; hald deg heime så er du trygg.
Haugefolk - stål og lyden av kirkeklokker er det som skal til for sleppe fri. Eller hald deg heime.
Marer - hald deg inne og tett alle hol. Set skoa inntil senga med hælane inn.
Skrømt og draug - ikkje gå til stranda eller kyrkjegarden midt på natta. Hald deg heime
Nøkken - ikkje sett deg på ein kvit hest som står ved eit vatn eller foss. Ikkje snakk med den nakne mannen som speler fele i fossen. Det er betre å sitte heime.

Eg syns det kjem heilt tydeleg fram at norske tyggleiksmynde tek desse farane på alvor. Dei ber alle sørge for at dei kan sitte trygt og varmt heime. Det einaste eg saknar er ei oppmoding om å ha ein hestesko eller andre ting av jarn eller stål heime. Dei fleste har sikkert ein god kniv på kjøkkenet som dei kan kaste over eller på tussefolket, men det er jo nokre som har gått over til keramiske knivar.

Det er nok heller turvettreglane som burde ha seg ei overhaling: Kva gjer du om du møter ei hulder? Kan du bruke den vanlege sekken til grautetekonkurranser, eller bør du ha ein ekstra på magen? Kva er ei passande gåve til alvefolket, og kva kan du gi til fjøsnissen for å blidgjere han?

Dette er jo skikkelig bra folkeopplysning, gajamor! Regner med at du har apokalypseplanen din klar: bli hjemme?