Grunnlovsendring?

[nokon]

For nokre dagar sidan, posta eg dette sitatet i facebooktråden:

Sitat:

Del denne videre: 21. mai blir islam likestilt med kristendommen i Norges grunnlov, i tillegg blir det straffbart å kritisere islam som får egen blasfemiparagraf. Dette er et langt steg i islamifiseringen av Norge. VÅKN OPP! Dere som bor nærme Oslo: still opp i demostrasjonstoget (sic!) foran Stortinget 21.mai. Vi byrde (sic!) få i gang demostrasjoner (sic!) i alle små og store bygder og byer. Dette handler om vår fremtid. Media opplyser ingenting om dette, pga av (sic!) at de er betalt av de rød-grønne. Dette er alvorlig!! Del dette videre.

Eg himla litt med augene, men etter å ha posta han i facebooktråden, las eg det ein gong til og stussa over dette med grunnlovsendring.
- Eg er eit opplyst menneske, tenkte eg. Eg ville fått med meg om det var grunnlovsendring på gang.
Men eg fekk ikkje tanken heilt utav systemet, så på torsdag spurde eg rettslærelæraren i lunsjen. Ho hadde ikkje all verda med tid men forklarte at menneskerettane skulle få større plass i grunnlova og at dette var overraskande lite diskutert. Ho sa også at det var overraskande mange akademikarar og folk som vanlegvis fekk med seg slike saker, som ikkje hadde fått med seg dette. Ho meinte det kanskje var så kompekst at media valde å ikkje vektlegge det, men at debatten var påfallande fråverande.

Nå har eg prøvd å søke og lese litt, men eg finn ikkje stort om denne saken (og eg trur ikkje at det er fordi dei rød-grønne har betalt media for å la vere å skrive om det). Eg har funne ein kommentar i Aftenposten som heiter "Grunnlov til ettertanke" og kjem til å fortsette å leite.

Er det nokon her som kjenner saken og har lyst til å bidra til å opplyse meg? Eg tar gjerne imot tips til artiklar eller anna stoff om dette. Eg kjenner eg er litt skremd over at eg ikkje har fått med meg dette.